ودي اموت اليوم وارتاح مني

[وازن]

ودي اموت اليوم واعيش باك @@@ واشوف منهو بعد موتي فقدني
ومنهو حملني لين ذيك المقابر @@@ واشكر انا كل من كرمني ودفني
واشوف يرثيني انا كم شاعر @@@ ومنهو تركني وماكتب شي عني
شخص تعنالي مع انه مسافر @@@ وشخص قريب وانا ميت طعني
وشخص يمثل دمعته ماهو بقادر @@@ وشخص تطيح دموعه كل ما ذكرني
ومنهو من اهلي فالعزى كان حاضر @@@ ومنهو دعالي في صلاته ورحمني
ومنهو بنالي سبيل ومنابر @@@ ومنهو يفز لامن لمحني
ومنهو عشاني طول الايام ساهر @@@ ومنهو ثلاث ايام وتركني
ومنهو يرتب غرفتي والدفاتر @@@ وان شاف لي صوره مات وحضني
يالله عسى ماتخفى كل المشاعر @@@ ويالله عسى ماينصدم ضني
خايف يجيني وقت واكسر خواطر @@@ ان دارت الدنيا زماني كسرني
وخايف يروح العمر واكون خاسر @@@ وان طار طيري مايفيد التمني
ومادام الدنيا صارت مظاهر @@@ وكل من على كيفه وجوه يغني
صحيح مسلم لكن الهم كافر @@@ كل مابغيت اضحك يهدد بحزني
الضيق وافي والحزن حيل وافر @@@ والجرح اكثر شي شفته يجيني
عايش وميت بين ماضي وحاضر @@@ والصبر مفتاح الفرج ضاع مني
قل وش تبي وتتركني ياحزني امر @@@ مسكين فرحي صدق انه وحشني
شاعر ولكن ماني بشاعر @@@ ودي اموت ليوم وارتاح مني